ഒമാനിൽ വാഹനാപകടത്തിൽ ഗുരുതരമായി പരിക്കേറ്റ എമിറാത്തി യുവതിയെ യുഎഇ അധികൃതർ മാറ്റിപ്പാർപ്പിച്ചു. ദേശീയ സെർച്ച് ആൻഡ് റെസ്‌ക്യൂ സെൻ്റർ നടത്തിയ പരിശ്രമത്തിലാണ് യുവതിയെയും കുടുംബത്തെയും മാറ്റിപ്പാർപ്പിക്കാനായത്. സലാലയിൽ നടന്ന അപകടത്തിൽ യുവതിക്കും കുടുംബാംഗങ്ങൾക്കും അപകടം സംഭവിച്ചിരുന്നു. ഗുരുതരമായി പരിക്കേറ്റ ഇവരെ കുടുംബത്തോടൊപ്പം ഒമാനിൽ നിന്ന് എയർ ആംബുലൻസിൽ എത്തിച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/Lcg8GbX4UOK66lKqe8tbVF

വിദേശകാര്യ മന്ത്രാലയവുമായി ഏകോപിപ്പിച്ച് നാഷണൽ ഗാർഡ് – നാഷണൽ സെർച്ച് ആൻഡ് റെസ്‌ക്യൂ സെൻ്റർ ആണ് രക്ഷാപ്രവർത്തനം നടത്തിയത്. ഒമാനിൽ നടത്തിയ മൂന്നാമത്തെ എയർ ആംബുലൻസ് ഓപ്പറേഷനായിരുന്നു ഇത്. എല്ലാ യാത്രക്കാരും റോഡിലൂടെ യാത്ര ചെയ്യുമ്പോൾ ജാഗ്രതയും കരുതലും പാലിക്കണമെന്നും ട്രാഫിക് നിയമങ്ങളും നിയന്ത്രണങ്ങളും സംവിധാനങ്ങളും പാലിക്കണമെന്നും തങ്ങളുടെയും മറ്റുള്ളവരുടെയും സുരക്ഷ സംരക്ഷിക്കുന്നതിന് നിർദ്ദിഷ്ട വേഗത പരിധി പാലിക്കണമെന്നും അതോറിറ്റി ആവശ്യപ്പെട്ടു.