ഇതെങ്ങോട്ടാ പോക്ക്, യുഎഇയില്‍ സ്വര്‍ണവില റെക്കോര്‍ഡ് ഉയരത്തില്‍
അബുദാബി: യുഎഇയിലെ വിപണികള്‍ ഇന്ന് തുറന്നപ്പോള്‍ സ്വര്‍ണം ഗ്രാമിന് 1.75 ദിര്‍ഹം ഉയര്‍ന്ന് പുതിയ റെക്കോര്‍ഡ് കുറച്ചു. ബുധനാഴ്ച രാവിലെയും സ്വര്‍ണ വില കുതിച്ചുയര്‍ന്നു. യുഎഇ സമയം രാവിലെ 9 മണിക്ക്, 24 കാരറ്റ് ഗ്രാമിന് 333 ദിര്‍ഹമായി ഉയര്‍ന്നു. വിപണികള്‍ അവസാനിക്കുമ്പോള്‍ 331.25 ദിര്‍ഹത്തില്‍ നിന്ന് ഉയരുകയും ചെയ്തു. 22 കാരറ്റ് സ്വര്‍ണം ഒരു ഗ്രാമിന് 1.5 ദിര്‍ഹം ഉയര്‍ന്ന് 308.25 ദിര്‍ഹമായി. അതുപോലെ, ഗ്രാമിന് 21 കാരറ്റ്, 18 കാരറ്റ് എന്നിവ യഥാക്രമം 298.50 ദിര്‍ഹം, 255.75 ദിര്‍ഹം എന്നിങ്ങനെ കുതിച്ചു. യുഎഇ സമയം രാവിലെ 9.15ന് സ്പോട്ട് ഗോള്‍ഡ് ഔണ്‍സിന് 1.07 ശതമാനം ഉയര്‍ന്ന് 2,750.70 ഡോളറിലാണ് വ്യാപാരം നടക്കുന്നത്. സ്വര്‍ണം കഴിഞ്ഞ കുറച്ച് മാസങ്ങളായി തുടര്‍ച്ചയായി വര്‍ദ്ധിച്ചുകൊണ്ടിരിക്കുകയാണ്. കഴിഞ്ഞ കുറച്ച് ദിവസങ്ങളിലായി സ്വര്‍ണവില കുതിച്ചുയരുകയാണെന്ന് റിപ്പോര്‍ട്ടുകള്‍ വ്യക്തമാക്കുന്നു. 2025 ന്റെ ആദ്യ പാദത്തില്‍ സ്വര്‍ണം ഔണ്‍സിന് 3,000 ഡോളറിലെത്തുമെന്ന് ചില വിശകലന വിദഗ്ധര്‍ പ്രവചിക്കുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5
Comments (0)