കൊച്ചി: സിനിമ ബിഗ്ബോസ് താരം പരീക്കുട്ടി അടക്കം രണ്ടുപേർ എംഡിഎംഎയുമായി തൊടുപുഴയിൽ പിടിയിൽ. എറണാകുളം കുന്നത്തുനാട് പരീക്കുട്ടി എന്നറിയപ്പെടുന്ന ഫരീദുദ്ദീനാണ് (31) പിടിയിലായത്. ഇയാളോടൊപ്പം സുഹൃത്ത് ജിസ്മോനും (34) പിടിയിലായി. ഇന്നലെ നടന്ന പരിശോധനയിലാണ് ഇവരെ എക്സൈസ് പിടികൂടിയത്. കാഞ്ഞാര്‍ – പുളിക്കാനം റോഡിൽ എക്സൈസ് സംഘം നടത്തിയ പരിശോധനയിലാണ് കാറിൽനിന്ന് ലഹരി വസ്തുക്കൾ കണ്ടെത്തിയത്. ഇവരിൽനിന്ന് 230മില്ലി ​ഗ്രാം എംഡിഎംഎയും നാല് ​ഗ്രാം കഞ്ചാവും പിടിച്ചെടുത്തതായാണ് വിവരം. ഇവർ സഞ്ചരിച്ചിരുന്ന കാറും പിടിച്ചെടുത്തു. കാറിനുള്ളിൽ പിറ്റ്ബുൾ ഇനത്തിൽപ്പെട്ട നായയും കുട്ടിയുമുണ്ടായിരുന്നു. അതിനാൽ ഏറെ കഷ്ടപ്പെട്ടാണ് ഉദ്യോഗസ്ഥർ പ്രതികളെ അറസ്റ്റ് ചെയ്തത്. ടിക് ടോകില്‍ പാട്ടുകള്‍ പാടിയാണ് പരീക്കുട്ടി ശ്രദ്ധനേടിയത്. ഒരു അഡാർ ലൗ, ഹാപ്പി വെഡ്ഡിങ് തുടങ്ങിയ ചിത്രങ്ങളിൽ പരീക്കുട്ടി അഭിനയിച്ചിട്ടുണ്ട്. റിയാലിറ്റി ഷോയായ ബിഗ് ബോസ് മലയാളത്തിൽ മത്സരാർഥിയായിരുന്നു. ഇന്‍സ്റ്റഗ്രാമില്‍ 1.39 ലക്ഷം ഫോളോവേഴ്‌സുള്ള താരമാണ് പരീക്കുട്ടി പെരുമ്പാവൂര്‍. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A