PRAVASIVARTHA

അത്തോളി: വിവാഹാഭ്യർഥന നിരസിച്ച യുവതിയെ കുത്തിക്കൊല്ലാൻ ശ്രമിച്ച് യുവാവ്. അക്രമത്തിൽ അത്തോളി സഹകരണ ആശുപത്രിക്ക് സമീപം മഠത്തിൽ കണ്ടിയിൽ വാടകയ്ക്ക് താമസിക്കുന്ന പേരാമ്പ്ര സ്വദേശിനിയ്ക്ക് പരിക്കേറ്റു. ഇവിടെത്തന്നെ വാടകയ്ക്ക് താമസിക്കുന്ന മഷൂദാണ് (33) യുവതിയെ കുത്തിക്കൊല്ലാൻ ശ്രമിച്ചത്. യുവാവിനായി പോലീസ് തെരച്ചിൽ തുടരുന്നു. പരിക്കേറ്റ യുവതി മൊടക്കല്ലൂർ മെഡിക്കൽ കോളജ് ആശുപത്രിയിൽ ചികിത്സയിലാണ്. വ്യാഴാഴ്ച രാത്രി 7.30നായിരുന്നു സംഭവം. അത്താണിയിലെ കടയിലെ ജീവനക്കാരിയാണ് യുവതി. അത്താണി കൊങ്ങന്നൂർ റോഡ് ജംങ്ഷനിലെ മത്സ്യക്കടയിലെ തൊഴിലാളിയാണ് മഷൂദ്. അതിനിടെ യുവതിയുമായി ഇയാൾ സൗഹൃദത്തിലായി. തുടർന്ന്, മഷൂദ് വിവാഹാഭ്യർത്ഥന നടത്തിയെങ്കിലും യുവതി നിരസിച്ചു. ഇതേത്തുടർന്നായിരുന്നു ആക്രമണം നടത്തിയത്. വീടിന് മുന്നിൽ സ്‌കൂട്ടർ വെച്ച ശേഷം മുന്നോട്ട് നടക്കവേ പിന്നിൽനിന്ന് യുവതിയുടെ കഴുത്തിനു നേരെ മഷൂദ് കത്തി വീശുകയായിരുന്നെന്ന് അയൽവാസി പറഞ്ഞു. യുവതി അപകടനില തരണം ചെയ്തതായി ആശുപത്രി അധികൃതർ പറഞ്ഞു. ഇവരുടെ ഭർത്താവ് പ്രവാസിയാണ്. ഇവർക്ക് പതിമൂന്നും ഏഴും വയസുള്ള രണ്ട് പെൺമക്കളുണ്ട്. യുവതിയുടെ പരാതിയിൽ മഷൂദിനെതിരെ അത്തോളി പോലീസ് വധശ്രമത്തിന് കേസെടുത്തിട്ടുണ്ട്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A