PRAVASIVARTHA

അബുദാബി: ഓഹരികൾ തുറന്ന് മിനിറ്റുകൾക്കകം തലാബാത്തിന്റെ ഐപിഒ (ഇനിഷ്യൽ പബ്ലിക് ഓഫർ) ഏകദേശം 1.5 ബില്യൺ ഡോളർ കവർ ചെയ്തു. ചൊവ്വാഴ്ചയാണ് കമ്പനി ഓഹരി വിൽപ്പനയ്ക്കുള്ള വില പരിധി പ്രഖ്യാപിച്ചത്. കൂടാതെ, ദുബായ് ഫിനാൻഷ്യൽ മാർക്കറ്റിലെ പ്രാരംഭ പബ്ലിക് ഓഫറിനുള്ള സബ്‌സ്‌ക്രിപ്‌ഷൻ കാലയളവിൻ്റെ ആരംഭവും കമ്പനി പ്രഖ്യാപിച്ചു. യുഎഇയിലെ മുന്‍നിര ഓൺ-ഡിമാൻഡ് ഫുഡ് ആൻഡ് ക്യു-കൊമേഴ്‌സ് ആപ്പാണ് തലാബാത്ത്.  ഐപിഒ സബ്സ്ക്രിപ്ഷൻ കാലയളവ് ഇന്ന് ആരംഭിച്ച് യുഎഇയിലെ റീട്ടെയിൽ നിക്ഷേപകർക്ക് നവംബർ 27 നും പ്രൊഫഷണൽ നിക്ഷേപകർക്ക് നവംബർ 28 നുമാണ് അവസാനിക്കുക. ഓഫറിൻ്റെ വില പരിധി ഒരു ഓഹരിക്ക് 1.50 ദിർഹം മുതൽ 1.60 ദിർഹം വരെ സജ്ജീകരിച്ചിരിക്കുന്നു. മൊത്തം ഓഫർ വലിപ്പം 5.24 ബില്യൺ ദിർഹത്തിനും (c.US$ 1.43 ബില്യൺ) 5.59 ബില്യൺ ദിർഹത്തിനും (c.US$ 1.52 ബില്യൺ) ഇടയിലായിരിക്കുമെന്ന് പ്രതീക്ഷിക്കുന്നു. അവസാന ഓഫർ വില 2024 നവംബർ 29-ന് പ്രഖ്യാപിക്കുമെന്ന് പ്രതീക്ഷിക്കുന്നു. മൊത്തം 3,493,236,093 ഓഹരികൾ ഓഫറിൽ ലഭ്യമാക്കും. ഇത് കമ്പനിയുടെ മൊത്തം ഇഷ്യൂ ചെയ്ത ഷെയർ ക്യാപിറ്റലിൻ്റെ 15 ശതമാനത്തെ പ്രതിനിധീകരിക്കുന്നു. അവസാന ഓഫർ വില നവംബർ 29ന് പ്രഖ്യാപിക്കുകയും ഡിസംബർ 10ന് ദുബായ് ഫിനാൻഷ്യൽ മാർക്കറ്റിൽ ഓഹരികൾ ലിസ്റ്റ് ചെയ്യുകയും ചെയ്യും. ഓഫർ പൂർത്തിയാകുമ്പോൾ, കമ്പനിയുട മൂലധനം 931.52 ദശലക്ഷം ദിർഹം (931,529,625) ആയിരിക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A