അബുദാബി: റോഡില്‍ ചുവന്ന ലൈറ്റ് ലംഘിച്ചതിനെ തുടര്‍ന്ന് യുഎഇയില്‍ തുടരെ തുടരെ മൂന്ന് അപകടങ്ങള്‍. അബുദാബി പോലീസിന്‍റെ സുരക്ഷാ ക്യാമറയിലാണ് ഗതാഗത നിയമലംഘനം പതിഞ്ഞത്. ട്രാഫിക് സിഗ്നലുകൾ മുറിച്ചുകടക്കുമ്പോൾ വാഹനമോടിക്കുന്നവർ കൂടുതൽ ജാഗ്രത പാലിക്കണമെന്ന് അബുദാബി പോലീസ് വെള്ളിയാഴ്ച 66 സെക്കൻഡ് ദൈർഘ്യമുള്ള ക്ലിപ്പ് പങ്കിട്ടു. ഒരു അപകടത്തിൽ, ഒരു എസ്‌യുവി ചുവപ്പ് ലൈറ്റ് കാണാതെ സിഗ്നലിൽ ഇടത്തേക്ക് തിരിയുന്നത് കാണാം. റോഡിൻ്റെ മറുവശത്തുള്ള മറ്റൊരു 4WD വാഹനത്തെ ഇടിക്കാതിരിക്കാന്‍ ശ്രമിച്ചെങ്കിലും വൈകിയിരുന്നു. അത് എസ്‌യുവിയുടെ ഒരു വശത്തേക്ക് ഇടിച്ചു. ഇടിയുടെ ആഘാതത്തെ തുടർന്ന് ഇരു വാഹനങ്ങളും നിയന്ത്രണം വിട്ട് മറിഞ്ഞു. മറ്റൊരു അപകടത്തില്‍, ഇടത്തേക്കുള്ള സിഗ്നൽ അവഗണിച്ചതിന് ശേഷം ഒരു ഇരുണ്ട സെഡാൻ 4WD-യിൽ ഇടിക്കുന്നതായി കാണാം. ഡ്രൈവർമാർക്ക് 1,000 ദിർഹം പിഴയും 12 ട്രാഫിക് പോയിൻ്റുകളും ലഭിക്കാവുന്ന ഗുരുതരമായ കുറ്റകൃത്യങ്ങളിൽ ഒന്നാണ് റെഡ് ലൈറ്റ് ലംഘനമെന്ന് അബുദാബി പോലീസ് മുന്നറിയിപ്പ് നൽകി. വാഹനം 30 ദിവസത്തേക്ക് കണ്ടുകെട്ടുകയും അത് വിട്ടുകിട്ടാൻ 50,000 ദിർഹം പിഴ നൽകുകയും വേണം. വാഹനമോടിക്കുമ്പോൾ എല്ലാ അശ്രദ്ധയും ഒഴിവാക്കണമെന്ന് പോലീസ് അറിയിച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A