ദുബായ്: ദുബായ് ആര്‍ടിഎയുടെ പുതിയ നടപടികള്‍ പ്രകാരം ദൈനംദിന യാത്രകള്‍ ക്രമീകരിക്കാന്‍ ആസൂത്രണം ചെയ്യുകയാണ് യുഎഇയിലെ വാഹനയാത്രക്കാര്‍. ഉയര്‍ന്ന ടോള്‍ നിരക്കില്‍നിന്ന് രക്ഷപ്പെടാന്‍ യുഎഇ നിവാസികള്‍ പതിവിലും നേരത്തെ ഉണരും. ഗാര്‍ഹിക ബജറ്റുകളെ കുറിച്ച് ചിന്തിക്കുന്നതിനിടയില്‍ ആശങ്ക ഉയരുകയാണ്. ചിലര്‍ ടോള്‍ നിരക്കുകള്‍ നികത്താന്‍ യുഎഇ നിവാസികള്‍ മറ്റ് വഴികള്‍ തേടുകയാണ്. കാര്‍ പൂളിങ്, പൊതുഗതാഗതം, നേരത്തെയുള്ള യാത്ര എന്നീ മാര്‍ഗങ്ങളാകും അവലംബിക്കുക. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvz ഈ വര്‍ഷം ജനുവരി അവസാനത്തോടെ സാലിക് ടോള്‍ നിരക്ക് ക്രമീകരിക്കും. പുലർച്ചെ ഒരു മണിക്കും പുലർച്ചെ 6 മണിക്കും ഇടയിൽ വാഹനമോടിക്കുന്നവർക്ക് ടോൾ ഫ്രീ പാസേജ് ലഭിക്കും.
പ്രവൃത്തിദിവസങ്ങളിൽ, രാവിലെ തിരക്കേറിയ സമയത്തും (രാവിലെ 6 മുതൽ 10 വരെ) വൈകുന്നേരത്തെ തിരക്കേറിയ സമയത്തും (വൈകിട്ട് 4 മുതൽ രാത്രി 8 വരെ) ടോൾ നിരക്ക് 6 ദിർഹം (2 ദിർഹം വർധന) ആയിരിക്കും. തിരക്കില്ലാത്ത സമയങ്ങളിൽ – രാവിലെ 10 മുതൽ 4 വരെ, രാത്രി 8 മുതൽ പുലർച്ചെ 1 മണി വരെ ടോൾ നിരക്ക് 4 ദിർഹം ആയിരിക്കും (നിലവിലെ ചാർജിന് തുല്യം). ഞായറാഴ്ചകളിൽ, പൊതു അവധി ദിവസങ്ങൾ, പ്രത്യേക അവസരങ്ങൾ അല്ലെങ്കിൽ പ്രധാന പരിപാടികള്‍ ഒഴികെ, ദിവസം മുഴുവൻ ടോൾ നിരക്ക് ദിർഹം 4 ആയിരിക്കും. പുലർച്ചെ 1 മുതൽ രാവിലെ 6 വരെ ടോള്‍ നിരക്ക് സൗജന്യമായിരിക്കും.
2025 മാർച്ച് അവസാനത്തോടെ, പുതിയ പാർക്കിങ് ഫീസ് പ്രീമിയം അനുസരിച്ച്, പാർക്കിങ് സ്ഥലങ്ങൾക്ക് മണിക്കൂറിന് 6 ദിർഹവും രാവിലെ തിരക്കുള്ള സമയത്തും (രാവിലെ 8 മുതൽ രാവിലെ 10 വരെ) വൈകുന്നേരത്തെ തിരക്ക് സമയത്തും (വൈകുന്നേരം 4 മുതൽ 8 വരെ) മറ്റ് പണമടച്ചുള്ള പൊതു പാർക്കിങ് സ്ഥലങ്ങളിൽ മണിക്കൂറിന് 4 ദിർഹമായിരിക്കും ഈടാക്കുക. തിരക്കില്ലാത്ത സമയങ്ങളിൽ രാവിലെ 10 മുതൽ വൈകിട്ട് 4 വരെയും രാത്രി 8 മുതൽ 10 വരെയും താരിഫുകൾ മാറ്റമില്ലാതെ തുടരും. രാത്രി 10 മുതൽ രാവിലെ 8 വരെയും ഞായറാഴ്ചകളിലും പൊതു അവധി ദിവസങ്ങളിലും എല്ലാ ദിവസവും പാർക്കിങ് സൗജന്യമായിരിക്കും. 2025 ഫെബ്രുവരിയിലെ പ്രധാന ഇവൻ്റുകളിൽ ദുബായ് വേൾഡ് ട്രേഡ് സെൻ്ററിന് (ഡിഡബ്ല്യുടിസി) ചുറ്റും ഒരു പുതിയ കൺജഷൻ പ്രൈസിങ് പോളിസി അവതരിപ്പിക്കും.