PRAVASIVARTHA

Marriage Loan UAE അബുദാബി: വിവാഹത്തിനായി പലിശ രഹിത വായ്പയുമായി അബുദാബി സോഷ്യല്‍ സപ്പോര്‍ട്ട് അതോറിറ്റി (എടിഎസ്എസ്എ). വൈവാഹിക യാത്ര ആരംഭിക്കുന്ന എമിറാത്തി ദമ്പതികളെ പിന്തുണയ്ക്കാനാണ് പുതിയ സംരംഭത്തിലൂടെ ലക്ഷ്യമിടുന്നത്. പലിശയോ ഫീസോ ഇല്ലെന്നതാണ് ഈ വായ്പയുടെ പ്രത്യേകത. 150,000 ദിർഹം വരെ വാഗ്‌ദാനം ചെയ്യുന്ന ഈ വായ്പ ലഭിക്കാന്‍ വളരെ എളുപ്പമാണ്. യുവ ദമ്പതികളെ സുസ്ഥിരവും സാമ്പത്തികവും സുരക്ഷിതവുമായ വിവാഹങ്ങൾ നടത്താൻ സഹായിക്കുന്നതിന് രൂപീകരിച്ചതാണ്. 2024 സെപ്തംബറില്‍ നടപ്പാക്കിയ ഈ വായ്പയ്ക്ക് 515 അപേക്ഷകളാണ് ഇതുവരെ വന്നിട്ടുള്ളത്. ഇതില്‍ 58 ശതമാനവും അപേക്ഷിക്കുന്നതിനായുള്ള യോഗ്യതാ മാനദണ്ഡങ്ങള്‍ പാലിച്ചിട്ടുണ്ട്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvz 32 ശതമാനം അപേക്ഷകള്‍ നിരസിച്ചു. 10 ശതമാനം ഇപ്പോഴും പരിശോധിച്ചുകൊണ്ടിരിക്കുകയാണ്. എമിറാത്തി ഫാമിലി ഗ്രോത്ത് പ്രോഗ്രാമിന്‍റെ ഭാഗമായാണ് ഈ വായ്പ. വിവാഹം കഴിക്കാൻ ഉദ്ദേശിക്കുന്ന പൗരന്മാരുടെ സാമ്പത്തിക ഭാരം കുറയ്ക്കാൻ ഇതിലൂടെ ലക്ഷ്യമിടുന്നു. ഈ സംരംഭം കുടുംബ സുസ്ഥിരത പ്രോത്സാഹിപ്പിക്കുക മാത്രമല്ല, താങ്ങാനാവുന്ന ചെലവില്‍ വിവാഹം നടത്താനും എമിറാത്തി കുടുംബങ്ങളുടെ ജീവിതനിലവാരം ഉയർത്താനും സഹായിക്കുന്നു. വിവാഹത്തോടൊപ്പം പ്രസവശുശ്രൂഷയ്ക്കുള്ള ചെലവും ഈ വായ്പയിലൂടെ ലഭിക്കും. വായ്പയ്ക്ക് യോഗ്യത നേടുന്നതിന്, അപേക്ഷകർ യുഎഇ പൗരന്മാരായിരിക്കണം. “മെഡീം” പ്ലാറ്റ്‌ഫോമിൽ രജിസ്റ്റർ ചെയ്യുക, നിർദ്ദിഷ്ട പ്രായവും ശമ്പള ആവശ്യകതകളും പാലിക്കൽ എന്നിവ ഉൾപ്പെടെ, ADSSA വ്യക്തമാക്കിയ ഒന്‍പത് നിർബന്ധിത വ്യവസ്ഥകൾ പാലിച്ചിരിക്കണം. കൂടാതെ, ലോൺ ഒരു ആനുകൂല്യം വാഗ്ദാനം ചെയ്യുന്നുണ്ട്. ആ കാലയളവിൽ ദമ്പതികൾക്ക് രണ്ട് കുട്ടികളുണ്ടെങ്കിൽ അഞ്ച് വർഷത്തിന് ശേഷം ലോണിൻ്റെ 50,000 ദിർഹം എഴുതിത്തള്ളുന്നതാണ്. ഭര്‍ത്താവും ഭാര്യയും യുഎഇ പൗരന്മാരായിരിക്കണം, ഭർത്താവ് അബുദാബിയിൽ ഇഷ്യൂ ചെയ്ത ഫാമിലി ബുക്ക് കൈവശം വയ്ക്കണം, ഒരു വിവാഹ പാക്കേജ് തെരഞ്ഞെടുക്കുന്നത് ഉൾപ്പെടെ, “മീഡീം” പ്ലാറ്റ്‌ഫോമിലെ രജിസ്‌ട്രേഷൻ പൂർത്തിയാക്കിയിരിക്കണം, വിധവകളുടെ കാര്യത്തിൽ ഒഴികെ അപേക്ഷകൻ മുന്‍പ് വിവാഹം കഴിച്ചിട്ടുണ്ടാകരുത്, വിവാഹ കരാർ ഒപ്പിടുമ്പോൾ ഭർത്താവിന് കുറഞ്ഞത് 21 വയസും ഭാര്യക്ക് കുറഞ്ഞത് 18 വയസും ആയിരിക്കണം, വിവാഹ കരാർ തീയതി മുതൽ ആറ് മാസത്തിനുള്ളിൽ ഭർത്താവ് അപേക്ഷകൾ സമർപ്പിക്കണം, ഭർത്താവിൻ്റെ മൊത്തം പ്രതിമാസ ശമ്പളം 60,000 ദിർഹത്തിൽ കുറവായിരിക്കണം, യുഎഇ ബാങ്കുകളിലെ വായ്പാ നയങ്ങൾ അനുസരിച്ച് ഭർത്താവ് ക്രെഡിറ്റ് യോഗ്യതാ മാനദണ്ഡങ്ങൾ പാലിക്കണം, ഒരു തവണ മാത്രമേ വായ്പ അനുവദിക്കൂ എന്നീ ഒന്‍പത് മാനദണ്ഡങ്ങളാണ് പലിശ രഹിത വിവാഹ വായ്പ ലഭിക്കാന്‍ പാലിക്കേണ്ടത്.