PRAVASIVARTHA

Malayali expat body in Mortuary ദുബായ്: മോര്‍ച്ചറിയില്‍ അനാഥനായി മലയാളിയുടെ മൃതദേഹം. മുപ്പത് വര്‍ഷത്തിലേറെയായി ദുബായ് പോലീസില്‍ സേവനം അനുഷ്ഠിച്ച മലയാളിയുടെ മൃതദേഹം ഏറ്റെടുക്കാന്‍ ഉറ്റവരെത്തിയില്ല. ജനുവരി 30ന്​ മരിച്ച മലയാളിയുടെ മൃതദേഹം ദുബായ് മോര്‍ച്ചറിയില്‍ സൂക്ഷിച്ചിരിക്കുകയാണ്. തിരുവനന്തപുരം വെള്ളറട സ്വദേശി വിജയൻ മാത്യു തോമസിന്‍റെ മൃതദേഹമാണ്​ ദിവസങ്ങളായി മോർച്ചറിയിൽ സൂക്ഷിച്ചിരിക്കുന്നത്​. അവകാശികളെത്തിയാൽ മാത്രമാണ്​ മൃതദേഹം വിട്ടുനൽകുകയുള്ളു. അതിനാല്‍, ഇദ്ദേഹത്തിന്‍റെ സഹപ്രവർത്തകർ ബന്ധുക്കളെ തേടാനുള്ള ശ്രമത്തിലാണ്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvzv 13 വർഷത്തിലേറെയായി വിജയൻ നാട്ടിൽ പോയിട്ടെന്ന്​ സഹപ്രവർത്തകർ പറഞ്ഞു. ബന്ധുക്കളുമായി അടുത്ത ബന്ധമുണ്ടായിരുന്നില്ലെന്നും ഒരുമാസം മുന്‍പ് ജോലിയിൽ നിന്ന് വിരമിച്ച ഇദ്ദേഹത്തിന്‍റെ വിസ കാൻസൽ ചെയ്തെങ്കിലും നാട്ടിലേക്ക് മടങ്ങിയിരുന്നില്ലെന്നും ഇവർ മാധ്യമങ്ങളോട്​ പറഞ്ഞു. ദുബായ് പോലീസിലെ കുക്കായിരുന്നു 61 കാരനായ വിജയൻ മാത്യു തോമസ്. ബന്ധുക്കളെ സംബന്ധിച്ച്​ വിവരം ലഭിക്കുന്നവർ +971 55 294 5937 എന്ന നമ്പറിൽ ബന്ധപ്പെടണം.