PRAVASIVARTHA

UAE Ramadan Discounts അബുദാബി: പുണ്യമാസമായ റമദാന് ഇനി വെറും 30 ദിവസത്തിൽ താഴെ മാത്രമാണ് ശേഷിക്കുന്നത്. യുഎഇയിലെ റീട്ടെയിലർമാർ 70 ശതമാനം വരെ വിൽപനയും കിഴിവുകളും ആരംഭിച്ചുകഴിഞ്ഞു. കിഴിവുകൾ പ്രയോജനപ്പെടുത്തുന്നതിന്‍റെ ഭാഗമായി ബിഗ് ടിക്കറ്റിന് ഡിമാന്‍ഡ് വര്‍ധിക്കുന്നതിനാല്‍ സാധാരണയായി റമദാനിൽ വിൽപന കൂടുമെന്ന് വിദഗ്ധർ പറഞ്ഞു. ഹൈപ്പർമാർക്കറ്റുകൾ, ഗൃഹോപകരണ സ്ഥാപനങ്ങൾ, ഇലക്‌ട്രോണിക്‌സ് റീട്ടെയിലർമാർ, ഓട്ടോമൊബൈൽ വിതരണക്കാർ തുടങ്ങിയ പ്രമുഖ യുഎഇ റീട്ടെയിലർമാർ വൻ കിഴിവുകൾ പ്രഖ്യാപിച്ചിട്ടുണ്ട്. ചന്ദ്രക്കലയുടെ ദർശനത്തെ ആശ്രയിച്ച്, വിശുദ്ധ മാസം മാർച്ച് ഒന്നിന് ആരംഭിക്കുമെന്ന് പ്രതീക്ഷിക്കുന്നു. ദുബായ് ആസ്ഥാനമായുള്ള റീട്ടെയിലർ യൂണിയൻ കോപ്പ് വ്യാഴാഴ്ച യുഎഇയുടെ “ഇയർ ഓഫ് ദി കമ്മ്യൂണിറ്റി” സംരംഭത്തിന് അനുസൃതമായി 2025 റമദാൻ കാംപെയ്ൻ ആരംഭിച്ചു. വിശുദ്ധ മാസത്തിനായി ഓൺലൈൻ, ഓഫ്‌ലൈൻ പ്ലാറ്റ്‌ഫോമുകളിൽ 5000ത്തിലധികം ഭക്ഷണ, ഭക്ഷ്യേതര ഉത്പന്നങ്ങൾക്ക് 60 ശതമാനം വരെ കിഴിവ് വാഗ്ദാനം ചെയ്യുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvzv ഫെബ്രുവരിയിൽ ആരംഭിച്ച കാംപെയ്‌നിൽ മത്സരാധിഷ്ഠിത വിലയുള്ള ഉത്പന്നങ്ങൾ വാഗ്ദാനം ചെയ്യുന്ന 12 പ്രമോഷനുകൾ അവതരിപ്പിക്കുമെന്ന് യൂണിയൻ കോപ്പിൻ്റെ സിഇഒ മുഹമ്മദ് അൽ ഹാഷിമി പറഞ്ഞു. അരി, മാംസം, കോഴിയിറച്ചി, ടിന്നിലടച്ച ഭക്ഷണങ്ങൾ, ഉയർന്ന ഡിമാൻഡുള്ള മറ്റ് റമദാൻ ഇനങ്ങൾ എന്നിവയുൾപ്പെടെ 200ലധികം അവശ്യസാധനങ്ങളുടെ വില ചില്ലറ വ്യാപാരികൾ ‘പൂട്ടി’ സൂക്ഷിക്കും. 42ലധികം യുഎഇ ഫാമുകളുമായി സഹകരിച്ച് പുതിയതും ജൈവവുമായ ഉത്പന്നങ്ങൾ വിതരണം ചെയ്യുന്നതിലൂടെ പ്രാദേശികകൃഷിയെ പിന്തുണയ്ക്കുകയും ചെയ്യും. റമദാനിൽ ഒന്നിലധികം ഉത്പന്ന വിഭാഗങ്ങളിൽ ആകർഷകമായ ഡീലുകളും ട്രേഡ്-ഇൻ ഓഫറുകളും ഉപഭോക്താക്കൾക്ക് പ്രതീക്ഷിക്കാമെന്ന് ജംബോ ഇലക്‌ട്രോണിക്‌സ് സിഇഒ വികാസ് ചദ്ദ പറഞ്ഞു. “ഈ പ്രത്യേക സീസണിൽ ഞങ്ങളുടെ ഉപഭോക്താക്കൾക്ക് ഷോപ്പിങ് എളുപ്പവും പ്രതിഫലദായകവുമാക്കാൻ ലക്ഷ്യമിടുന്നു. റമദാനിൽ 50 ശതമാനം വരെ കിഴിവ് നൽകും. എല്ലാ ഇലക്‌ട്രോണിക്, അപ്ലയൻസ് വിഭാഗങ്ങളിലും കിഴിവുകൾ ബാധകമായിരിക്കും,” ഛദ്ദ പറഞ്ഞു.