Food Poison Death ദുബായ്: ഷവര്‍മയില്‍നിന്ന് ഭക്ഷ്യവിഷബാധയേറ്റതിനെ തുടര്‍ന്ന് ഇറാഖി ദമ്പതികള്‍ മരിച്ചു. ഇവരുടെ അഞ്ച് കുട്ടികളെ ആശുപത്രിയില്‍ പ്രവേശിപ്പിക്കുകയും ചെയ്തു. ഇറാഖിലെ ബാഗ്ദാദിലാണ് സംഭവം. ഇറാഖി മാധ്യമ റിപ്പോർട്ടുകൾ പ്രകാരം, ബാഗ്ദാദിലെ അൽ നൈരിയ ജില്ലയിൽ ചൊവ്വാഴ്ച വൈകുന്നേരം മുഹമ്മദ് അൽ ഫൈതർ കോഴിയിറച്ചിയും ബീഫും അടങ്ങിയ നിരവധി ഷവർമ ഭക്ഷണങ്ങൾ വീട്ടിലേക്ക് കൊണ്ടുവന്നു. ഭക്ഷണം കഴിച്ച് 30 മിനിറ്റിനുള്ളിൽ അദ്ദേഹം കുഴഞ്ഞുവീണ് മരിച്ചു. ഭാര്യയെ ആശുപത്രിയിൽ എത്തിച്ചെങ്കിലും ഗ്യാസ്ട്രിക് ലാവേജ് വഴി രക്ഷിക്കാനുള്ള അടിയന്തര ശ്രമങ്ങൾ നടത്തിയെങ്കിലും താമസിയാതെ മരണമടഞ്ഞു. ഭക്ഷണം കഴിച്ച അവരുടെ അഞ്ച് കുട്ടികളും തീവ്രപരിചരണ വിഭാഗത്തിൽ തുടരുകയാണെന്നും അവരുടെ ആരോഗ്യനില തൃപ്തികരമാണെന്നും റിപ്പോർട്ടുണ്ട്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe സംഭവത്തില്‍ ഇറാഖി അധികൃതർ അന്വേഷണം ആരംഭിച്ചതായും റസ്റ്റോറന്റ് ഉടമയെ ചോദ്യം ചെയ്യലിനായി വിളിപ്പിച്ചതായും ഇറാഖി വാർത്താ ഏജൻസിയായ റുഡാവ് റിപ്പോർട്ട് ചെയ്തു. എന്നിരുന്നാലും, മരണകാരണം കൃത്യമായി സ്ഥിരീകരിക്കുന്ന ഔദ്യോഗിക പ്രസ്താവനയോ മെഡിക്കൽ റിപ്പോർട്ടോ ഇതുവരെ പുറത്തുവന്നിട്ടില്ല. അന്വേഷണം പൂർത്തിയാകുന്നതുവരെ ബാഗ്ദാദിലെയും മറ്റ് ഇറാഖി നഗരങ്ങളിലെയും ഷവർമ റെസ്റ്റോറന്റുകൾ താത്കാലികമായി ബഹിഷ്‌കരിക്കണമെന്ന് ചില പൗരന്മാർ ആഹ്വാനം ചെയ്തു.