PRAVASIVARTHA

ദുബായ്: പ്രവാസിയുടെ മരണശേഷം ഇടപാടുകള്‍ നടന്നതായി ബാങ്ക് അധികൃതര്‍. മരിച്ചുപോയ ഒരു കനേഡിയന്‍ ബിസിനസുകാരന്‍റെ അവകാശികള്‍ ഒരു പ്രദേശിക ബാങ്കിനെതിരെ ദുബായ് കൊമേഴ്സ്യല്‍ കോര്‍ട്ട് ഓഫ് ഇന്‍ഹെറിറ്റന്‍സില്‍ സിവില്‍ കേസ് ഫയല്‍ ചെയ്തു. ബിസിനസുകാരന്‍റെ എസ്റ്റേറ്റില്‍ നിന്ന് ദശലക്ഷക്കണക്കിന് ദിര്‍ഹം തെറ്റയി കൈകാര്യം ചെയ്തതിനാണ് കേസ് രജിസ്റ്റര്‍ ചെയ്തത്. “ഇത് യുഎഇ ബാങ്കിങ് ചട്ടങ്ങളുടെയും കോടതി ഉത്തരവുകളുടെയും ലംഘനമാണ്,” മരിച്ചുപോയ ബിസിനസുകാരന്റെ സഹോദരനെയും രണ്ട് സഹോദരിമാരെയും കോടതിയിൽ പ്രതിനിധീകരിക്കുന്ന അഭിഭാഷകൻ പറഞ്ഞു. “2020 ഒക്ടോബർ അവസാനത്തോടെ ബിസിനസുകാരന്റെ മരണവാർത്ത ബാങ്കിനെ ഔദ്യോഗികമായി അറിയിക്കുകയും അദ്ദേഹത്തിന്റെ വിയോഗത്തെ തുടര്‍ന്ന് അക്കൗണ്ട് സ്റ്റാറ്റസ് അപ്‌ഡേറ്റ് ചെയ്യുകയും ചെയ്തു. എന്നാസ്‍, ഇതിനുശേഷവും കോടതി അനുമതിയില്ലാതെ ബാങ്ക് അദ്ദേഹത്തിന്റെ അക്കൗണ്ടുകളിൽ ഇടപാടുകൾ നടത്തുന്നത് തുടർന്നു” പലിശയ്ക്കും നഷ്ടപരിഹാരത്തിനും പുറമേ 76.9 ദശലക്ഷം ദിർഹം തിരിച്ചുപിടിക്കണമെന്ന് ബിസിനസുകാരന്‍റെ സഹോദരങ്ങള്‍ ആവശ്യപ്പെട്ടു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe “കനേഡിയൻ പ്രവാസിയുടെ മരണശേഷം അദ്ദേഹത്തിന്റെ അക്കൗണ്ടുകളിൽ അനധികൃത സാമ്പത്തിക ഇടപാടുകൾ” നടത്തിയെന്നാണ് സിവിൽ കേസ്. എസ്റ്റേറ്റിന്റെ സ്വത്തുക്കൾ തിരിച്ചുപിടിക്കാൻ ശ്രമിച്ചപ്പോൾ, “സഹോദരന്റെ അക്കൗണ്ടുകൾ ബാങ്ക് കൈകാര്യം ചെയ്യുന്നതിൽ ഗുരുതരമായ ക്രമക്കേടുകൾ കണ്ടെത്തിയതായി സഹോദരങ്ങൾ പറഞ്ഞു. “ഏകദേശം 3.7 ദശലക്ഷം ദിർഹത്തിന്റെ ചെക്ക് പിൻവലിക്കലുകൾക്ക് പുറമേ, അനധികൃത കൈമാറ്റങ്ങൾ 18.7 ദശലക്ഷത്തിലധികം ആയിരുന്നു” എന്ന് അഭിഭാഷകന്‍ അഭിപ്രായപ്പെട്ടു. “അവ പോസ്റ്റ്-ഡേറ്റ് ചെയ്ത ചെക്കുകളും ട്രാൻസ്ഫറുകളുമായിരുന്നു. യുഎഇ സെൻട്രൽ ബാങ്ക് നിയമങ്ങൾ അനുസരിച്ച് അക്കൗണ്ട് ഉടമയുടെ മരണശേഷം അക്കൗണ്ട് മരവിപ്പിക്കണം,” അഭിഭാഷകന്‍ പറഞ്ഞു. മരിച്ചയാളുടെ അക്കൗണ്ടുകൾ, നിക്ഷേപങ്ങൾ, സാമ്പത്തിക ഇടപാടുകൾ എന്നിവയുമായി ബന്ധപ്പെട്ട എല്ലാ രേഖകളും ഹാജരാക്കാൻ ബാങ്കിനെ നിർബന്ധിക്കണമെന്ന് അഭിഭാഷകന്‍ കോടതിയോട് അഭ്യർത്ഥിച്ചു.