UAE Court Denies Father’s Custody ഫുജൈറ: മക്കളെ പുരുഷത്വം പഠിപ്പിക്കാന്‍ സംരക്ഷണാവകാശം ആവശ്യപ്പെട്ട പിതാവിന്‍റെ ആവശ്യം നിഷേധിച്ച് ഫുജൈറ ഷാരിയ കോടതി. യുഎഇ പേഴ്‌സണൽ സ്റ്റാറ്റസ് നിയമത്തിലെ ആർട്ടിക്കിൾ 156 അടിസ്ഥാനമാക്കിയാണ് പിതാവ് തന്റെ അവകാശവാദം ഉന്നയിച്ചത്. ആൺമക്കളുടെ മാതൃ സംരക്ഷണം 11 വയസിൽ അവസാനിക്കും. എന്നിരുന്നാലും, കുട്ടിയുടെ താത്പര്യത്തിന് സംരക്ഷണം നീട്ടാൻ ജഡ്ജിമാർക്ക് വിവേചനാധികാരം നൽകുന്ന അതേ ആർട്ടിക്കിൾ തന്നെയാണിത്. മക്കൾക്ക് ഇനി മാതൃ പരിചരണം ആവശ്യമില്ലെന്നും ഗോത്ര മൂല്യങ്ങൾക്കും പുരുഷത്വത്തിനും പ്രാധാന്യം നൽകുന്ന ഒരു പശ്ചാത്തലത്തിൽ വളർത്തണമെന്നും പിതാവ് ആവശ്യപ്പെട്ടു. എന്നാൽ, അമ്മയുടെ ഭാഗത്തുനിന്നുള്ള അവഗണനയുടെയോ ഉത്തരവാദിത്തമില്ലായ്മയുടെ തെളിവിനായി ഒന്നും ഹാജരാക്കിയില്ല. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe അമ്മ എല്ലാ കോടതി വിചാരണകളിലും പങ്കെടുക്കുകയും, തന്റെ ആൺമക്കളുടെ വളർത്തലിൽ പൂര്‍ണമായും അർപ്പിതമാണെന്നും, വിവാഹമോചനത്തിനുശേഷം അവിവാഹിതയായി തുടരുകയും, അവരുടെ വിദ്യാഭ്യാസം, വൈകാരിക ക്ഷേമം, മൊത്തത്തിലുള്ള പരിചരണം എന്നിവയിൽ സജീവമായി ഏർപ്പെടുകയും ചെയ്യുമെന്ന് കോടതിയെ അറിയിച്ചു. കുട്ടികളുടെ കസ്റ്റഡി ചുമതലകളിൽ അവർ പരാജയപ്പെട്ടെന്നോ, വിശ്വാസ്യത, കഴിവ്, ധാർമ്മിക സത്യസന്ധത തുടങ്ങിയ ആവശ്യമായ ഗുണങ്ങൾ അവർക്കില്ലെന്നോ ഒരു സൂചനയും ലഭിച്ചിട്ടില്ലെന്ന് കോടതി ചൂണ്ടിക്കാട്ടി.