UAE Banks അബുദാബി: യുഎഇയിൽ പ്രവർത്തിക്കുന്ന നിരവധി ബാങ്കുകൾ മിനിമം ബാലൻസ് പരിധി 5,000 ദിർഹമായി ഉയർത്താൻ ഒരുങ്ങുകയാണ്. സെൻട്രൽ ബാങ്കിന്റെ വ്യക്തിഗത വായ്പാ നിയന്ത്രണങ്ങൾ പ്രകാരം നേരത്തെ നിശ്ചയിച്ചിരുന്ന മിനിമം ബാലന്‍സ് 3,000 ദിർഹത്തിൽ നിന്ന് ഉയർത്തിയിട്ടുണ്ട്. ജൂൺ ഒന്ന് മുതൽ പുതിയ നിബന്ധന പ്രാബല്യത്തിൽ വരും. ഒരു ബാങ്ക് ഇതിനകം തന്നെ ഈ നിരക്കുകൾ നടപ്പിലാക്കിയിട്ടുണ്ട്. പുതിയ മാര്‍ഗനിർദേശങ്ങൾ അനുസരിച്ച്, മിനിമം ബാലൻസ് നിലനിർത്തുന്നതിൽ പരാജയപ്പെടുന്ന ഉപഭോക്താക്കൾക്ക് 25 ദിർഹം പിഴ ചുമത്തും. 25 ദിർഹത്തിന്റെ മിനിമം ബാലൻസ് ഫീസിൽ നിന്ന് ഒഴിവാക്കണമെങ്കിൽ ഉപഭോക്താക്കൾക്ക് ക്രെഡിറ്റ് കാർഡോ വ്യക്തിഗത ധനസഹായമോ ഉണ്ടായിരിക്കണമെന്ന് ഈ ബാങ്കുകൾ വ്യവസ്ഥ ചെയ്തിട്ടുണ്ട്. എമറാത്ത് അൽ യൂമിന് ലഭിച്ച ഒരു രേഖയിൽ, “20,000 ദിർഹമോ അതിൽ കൂടുതലോ ആകെ ബാലൻസ് നിലനിർത്തുന്ന ഉപഭോക്താക്കൾ, 15,000 ദിർഹമോ അതിൽ കൂടുതലോ പ്രതിമാസ ശമ്പള കൈമാറ്റം ഉള്ളവർ, അല്ലെങ്കിൽ 5,000 ദിർഹത്തിനും 14,999 ദിർഹത്തിനും ഇടയിൽ പ്രതിമാസ ശമ്പളമുള്ള ഉപഭോക്താക്കൾ, അവർക്ക് ക്രെഡിറ്റ് കാർഡ്, ഓവർഡ്രാഫ്റ്റ് സൗകര്യം അല്ലെങ്കിൽ വായ്പ എന്നിവയുമുണ്ട്” എന്ന് വ്യക്തമാക്കുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/GEvjpqx2SPL1cKgq0OLugg “ക്രെഡിറ്റ് കാർഡ്, ഓവർഡ്രാഫ്റ്റ് സൗകര്യം, വായ്പ എന്നിവയില്ലാതെ 5,000 – 14,999 ദിർഹത്തിനും ഇടയിൽ പ്രതിമാസ ശമ്പള കൈമാറ്റം നടത്തുന്ന ഉപഭോക്താക്കൾക്കും 5,000 ദിർഹത്തിൽ താഴെ ശമ്പള കൈമാറ്റം നടത്തുന്നവർക്കും 25 ദിർഹം ഫീസ് ചുമത്തും” എന്ന് രേഖയിൽ പറയുന്നു. കൂടാതെ, “മേൽപ്പറഞ്ഞ വിഭാഗങ്ങളിൽ പെടാത്ത എല്ലാ ബാങ്ക് ഉപഭോക്താക്കളും അക്കൗണ്ട് തരം അനുസരിച്ച് 100 ദിർഹം അല്ലെങ്കിൽ 105 ദിർഹം ഫീസ് നൽകേണ്ടതുണ്ട്.”