UAE Islands Occupied Settlement അബുദാബി/ റിയാദ്: യുഎഇയുടെ ദ്വീപുകള്‍ കയ്യേറിയ ഇറാന്‍റെ നടപടിയില്‍ അപലപിച്ചു ജിസിസി. യുഎഇയുടെ മൂന്ന് ദ്വീപുകളായ ഗ്രേറ്റർ ടുംബ്, ലസ്സർ ടുംബ്, അബൂ മുസ എന്നിവയിൽ ഇറാൻ കയ്യേറ്റവും താമസസൗകര്യങ്ങളുടെ നിർമാണവും തുടരുന്നതിൽ ഗൾഫ് സഹകരണ കൗൺസിൽ (ജിസിസി) അപലപിച്ചു. മന്ത്രിസഭാ യോഗത്തിന്‍റെ സമാപന പ്രസ്താവനയിലാണ് ജിസിസി ഈ നിലപാട് പ്രകടിപ്പിച്ചത്. ഈ ദ്വീപുകളിൽ ഇറാൻ സ്വീകരിക്കുന്ന തീരുമാനം, പ്രവർത്തനം, മറ്റു നടപടികൾ എന്നിവയ്ക്ക് നിയമപരമായ യാതൊരു സാധുതയും ഇല്ല. ഇറാൻ ഇവിടങ്ങളിൽ സൈനികപരിശീലനങ്ങൾ നടത്തുകയും മുതിർന്ന ഉദ്യോഗസ്ഥരെ അയക്കുകയും ദ്വീപുകളിലൊന്ന് ദേശീയ തിരിച്ചറിവിന്റെ ഭാഗമാണെന്ന് പ്രസ്താവിക്കുകയും ചെയ്തിരുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/GEvjpqx2SPL1cKgq0OLugg യുഎഇയുടെ പരമാധികാരം ദ്വീപുകൾക്കൊപ്പം അവയുടെ പരിസരത്തെ ജലം, ആകാശപാത, സമുദ്രതടം, അതത് ദ്വീപുകളുടെ സാമ്പത്തിക മേഖല എന്നിവയിലേയ്ക്കും വ്യാപിക്കുന്നതാണെന്നും ജിസിസി കൂട്ടിചേർത്തു. “മൂന്ന് ദ്വീപുകളിൽ ഇറാൻ സ്വീകരിക്കുന്ന ഏതൊരു തീരുമാനങ്ങളും നടപടികളും അസാധുവായിരിക്കും, യുഎഇയുടെ മൂന്ന് ദ്വീപുകളുടെ മേലുള്ള പരമാധികാരത്തിനുള്ള അവകാശത്തെ ഏകകണ്ഠമായി പിന്തുണയ്ക്കുന്ന ചരിത്രപരവും നിയമപരവുമായ വസ്തുതകളിൽ ഒന്നും തന്നെ മാറ്റില്ല,” മിനിസ്റ്റീരിയൽ കൗൺസിൽ ഓഫ് ഗൾഫ് കോ-ഓപ്പറേഷൻ കൗൺസിൽ (ജിസിസി) അതിന്റെ 164-ാമത് സെഷനിൽ പുറത്തിറക്കിയ അന്തിമ പ്രസ്താവനയിൽ പറഞ്ഞു.