PRAVASIVARTHA

Meals Consumed Up to 25 Years ദുബായ്: നൂതനമായ ഫ്രീസ് – ഡ്രൈയിങ് സാങ്കേതികവിദ്യയുടെ സഹായത്തോടെ, 25 വർഷം വരെ ഉപയോഗിക്കാൻ കഴിയുന്ന റെഡി-ടു-ഈറ്റ് ഭക്ഷണങ്ങൾ അവതരിപ്പിക്കാനൊരുങ്ങി യുഎഇ ആസ്ഥാനമായുള്ള ഒരു കമ്പനി. റെഡ് പ്ലാനറ്റ് എന്ന കമ്പനിയാണ് റെഡി ടു ഈറ്റ് ഭക്ഷണങ്ങള്‍ അവതരിപ്പിക്കുന്നത്. കൃത്രിമ പ്രിസർവേറ്റീവുകളുടെ ആവശ്യമില്ലാതെ, ഭക്ഷണത്തിന്‍റെ രുചി, പോഷകമൂല്യം, സുരക്ഷ എന്നിവ നിലനിർത്തിക്കൊണ്ട് 95 ശതമാനത്തിലധികം ഈർപ്പം നീക്കം ചെയ്യുന്ന ഒരു പ്രക്രിയയാണ് ഉപയോഗിക്കുന്നത്. “നിയന്ത്രിതമായ ഒരു അന്തരീക്ഷത്തിൽ ഭക്ഷണത്തിൽ നിന്ന് ഈർപ്പം നീക്കം ചെയ്തുകൊണ്ടാണ് പ്രക്രിയ, ഇത് അതിന്‍റെ യഥാർഥ രുചി, ഘടന, ഏറ്റവും പ്രധാനമായി, പോഷകമൂല്യം എന്നിവ നിലനിർത്താൻ സഹായിക്കുന്നു,” റെഡ് പ്ലാനറ്റിന്‍റെ സിഇഒ ജാസിം അൽ നൊവൈസ് പറഞ്ഞു. “വെളിച്ചം, വായു, ഈർപ്പം എന്നിവയിൽ നിന്ന് സംരക്ഷിക്കുന്ന മൾട്ടി-ലെയേർഡ്, ഓക്സിജൻ ആഗിരണം ചെയ്യുന്ന പാക്കേജിങിൽ സീൽ ചെയ്യുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek റഫ്രിജറേഷനോ പ്രിസർവേറ്റീവുകളോ ഇല്ലാതെ ഈ ഉത്പന്നം 25 വർഷം വരെ സുരക്ഷിതമായും പുതുമയുള്ളതും പോഷകപ്രദവുമായി നിലനിൽക്കുന്നെന്ന് ഉറപ്പാക്കുന്നു”. റെഡ് പ്ലാനറ്റ് ഇതുവരെ റീട്ടെയിൽ സ്റ്റോറുകളിൽ അതിന്റെ ഉത്പന്നങ്ങൾ പുറത്തിറക്കിയിട്ടില്ല. എന്നാല്‍, പൂർണമായും വികസിപ്പിച്ച മെനു മാനുഷിക സഹായ സംഘടനകൾ, സായുധ സേനകൾ, ബഹിരാകാശ ഏജൻസികൾ, സർക്കാർ സ്ഥാപനങ്ങൾ എന്നിവയുൾപ്പെടെ നിരവധി നിർണായക മേഖലകള്‍ക്ക് ഉത്പന്നം നല്‍കാന്‍ തയ്യാറാണെന്ന് അൽ നൊവൈസ് പറഞ്ഞു. മെയ് 12 മുതൽ 14 വരെ റിയാദിൽ നടന്ന സൗദി ഫുഡ് ഷോ 2025 ൽ റെഡ് പ്ലാനറ്റ് അടുത്തിടെ പങ്കെടുത്തിരുന്നു. അവിടെ അവരുടെ ദീർഘകാല ഭക്ഷണക്രമം ഭക്ഷ്യ സുസ്ഥിരത, അടിയന്തര തയ്യാറെടുപ്പ്, മേഖലയിലുടനീളം ദീർഘകാല പോഷണം എന്നിവയെ എങ്ങനെ സഹായിക്കുമെന്ന് പ്രദർശിപ്പിച്ചു.