PRAVASIVARTHA

യുഎഇയിൽ നിന്ന് ഇന്ത്യ, പാകിസ്ഥാൻ, ഫിലിപ്പീൻസ്, എന്നിവിടങ്ങളിലേക്ക് എമിറേറ്റ്സ് എൻബിഡി ഡയറക്ട് റെമിറ്റ് സേവനം വഴി പണം അയയ്ക്കുന്നത് സൗജന്യമായി തുടരും.
2025 സെപ്റ്റംബർ 1 മുതൽ, ആപ്പ് അല്ലെങ്കിൽ ഓൺലൈൻ ബാങ്കിംഗ് വഴി നടത്തുന്ന ഇടപാടുകൾക്ക് ഉപഭോക്താക്കളിൽ നിന്ന് 26.25 ദിർഹം (വാറ്റ് ഉൾപ്പെടെ) ഈടാക്കുമെന്ന് അറിയിച്ചുകൊണ്ട് എമിറേറ്റ്സ് എൻബിഡി ഉപപോക്താക്കൾക്ക് ഇമെയിൽ അയച്ചിരുന്നു.
ഡയറക്ട് റെമിറ്റ് സേവനങ്ങൾ വഴി ആപ്പ് വഴി കുറഞ്ഞത് 100 ദിർഹം ട്രാൻസ്ഫർ ചെയ്താൽ ഈ ആറ് രാജ്യങ്ങളിലേക്ക് പണം അയയ്ക്കുന്നതിന് യാതൊരു ഫീസും ഉണ്ടാകില്ല അതായത് ഒരുമാറ്റവും വന്നില്ല എന്നർത്ഥം .
“മറ്റെല്ലാ അന്താരാഷ്ട്ര ട്രാൻസ്ഫറുകൾക്കും 26.25 ദിർഹം വരെ നാമമാത്രമായ ഫീസ് ഈടാക്കും. ഈ നിരക്കുകൾ 2025 സെപ്റ്റംബർ 1 മുതൽ പ്രാബല്യത്തിൽ വരും,” എമിറേറ്റ്സ് എൻ‌ബി‌ഡി വക്താവ് സ്ഥിരീകരിച്ചു, “എമിറേറ്റ്സ് എൻ‌ബി‌ഡി പ്രൈവറ്റ് ബാങ്കിംഗ്, പ്രയോറിറ്റി ബാങ്കിംഗ്, പേഴ്സണൽ ബാങ്കിംഗ് ബിയോണ്ട് ഉപഭോക്താക്കൾ പതിവുപോലെ സൗജന്യ ഡയറക്ട് റെമിറ്റും ഇന്റർനാഷണൽ ട്രാൻസ്ഫറുകളും നൽകുന്നത് തുടരും.”
എമിറേറ്റ്‌സ് എൻ‌ബി‌ഡി ഉപഭോക്താക്കൾക്ക് ഇന്ത്യ, ഫിലിപ്പീൻസ്, പാകിസ്ഥാൻ, ശ്രീലങ്ക, ഈജിപ്ത്, യുകെ എന്നിവിടങ്ങളിലേക്ക് 60 സെക്കൻഡിനുള്ളിൽ പണമയയ്ക്കാൻ സഹായിക്കുന്ന ഡിജിറ്റൽ മണി ട്രാൻസ്ഫർ സേവനമാണ് ഡയറക്റ്റ് റെമിറ്റ്.