PRAVASIVARTHA

Dubai അഞ്ച് എത്യോപ്യൻ പൗരന്മാർ ഉൾപ്പെട്ട കവർച്ചയെക്കുറിച്ച് ദുബായ് പബ്ലിക് പ്രോസിക്യൂഷൻ ച്ച് അന്വേഷണം പ്രഖ്യാപിച്ചു . അൽറാസിലെ നാല് ട്രേഡിംഗ് കമ്പനികളുടെ ഓഫീസുകൾ തകർത്ത് പ്രതികൾ അകത്തു കടക്കുകയായിരുന്നു .പ്രഥാമിക അന്വേഷണ പ്രകാരം , പ്രതികൾ ബലപ്രയോഗത്തിലൂടെ അകത്തുകടന്ന്, ലോക്കറുകൾ തുറന്ന് ഏകദേശം 30,000 ദിർഹത്തോളം പണം മോഷ്ടിക്കുകയുണ്ടായി ..
കമ്പനി ഉടമകൾ സാധാരണപോലെ രാവിലെ അവരുടെ ഓഫീസിൽ എത്തിയപ്പോൾ സ്ഥലം കൊള്ളയടിക്കപ്പെട്ടതായും സേഫുകൾ തകർത്തതായും കണ്ടെത്തിയപ്പോഴാണ് കുറ്റകൃത്യം നടന്നതായി അറിയുന്നത് . ഉടൻ പോലീസിൽ അറിയിക്കുകയായിരുന്നു .
ഓഫീസുകളിൽ ഫയലുകളും പേപ്പറുകളും ചിതറിക്കിടക്കുന്ന നിലയിലായിരുന്നു .സംഭവ സ്ഥലത്തു പട്രോളിംഗ് ഓഫീസർമാർ, ക്രൈം-സീൻ ഇൻവെസ്റ്റിഗേറ്റർമാർ, ഫോറൻസിക് വിദഗ്ദ്ധൻ എന്നിവരുടെ സംയുക്ത സംഘം സ്ഥലത്തെത്തി.
തുടർന്ന് ഫോറൻസിക് സംഘങ്ങൾ വിരലടയാളങ്ങളും മറ്റ് തെളിവുകളും ശേഖരിച്ചു, അതേസമയം സിസിടിവി ദൃശ്യങ്ങൾ പരിശോധിച്ചപ്പോൾ പ്രതികൾ ടൊയോട്ട കൊറോളയിൽ രക്ഷപ്പെടുന്നതായി കണ്ടു .
വാഹനത്തിന്റെ ലൈസൻസ് ,പ്ലേറ്റ് നമ്പർ ഉപയോഗിച്ച്, പോലീസ് ഡ്രൈവറെ കണ്ടെത്തി അറസ്റ്റ് ചെയ്തു, പ്രതി കുറ്റസമ്മതം നടത്തി മറ്റുപ്രതികളുമായി ബന്ധപ്പെട്ട വിവരങ്ങൾ കൈമാറി . ബാക്കിയുള്ള നാല് പ്രതികളെ പിന്നീട് അബുദാബിയിൽ എമിറേറ്റ് പോലീസ് സേനയുമായി ചേർന്ന് നടത്തിയ പരിശോധനയിൽ അറസ്റ്റ് ചെയ്തു.ചോദ്യം ചെയ്യലിൽ അഞ്ച് പ്രതികളും കുറ്റസമ്മതം നടത്തിയിട്ടുണ്ട്, കൂടാതെ 18,000 ദിർഹം പോലീസ് ഇവരിൽ നിന്നും പിടിച്ചെടുത്തു.