PRAVASIVARTHA

UAE Investment citizenship programs അബുദാബി: യുഎഇയിൽ നിയമപരമായി താമസിക്കുന്നവർക്ക് ചില രാജ്യങ്ങളുടെ നിക്ഷേപ പൗരത്വ പദ്ധതികളില്‍ അപേക്ഷിക്കാം. ദുബായ് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ) ഡയറക്ടർ ജനറൽ ലഫ്.ജനറൽ മുഹമ്മദ് അഹമ്മദ് അൽ മർറി ആണ് ഇക്കാര്യം അറിയിച്ചത്. കരീബിയൻ രാജ്യങ്ങൾ, ഡൊമിനിക്ക, ചില ലാറ്റിൻ അമേരിക്കൻ രാജ്യങ്ങൾ എന്നിവ നിക്ഷേപകർക്ക് പ്രത്യേക നിക്ഷേപ, താമസ വ്യവസ്ഥകളോടെ പാസ്പോർട്ടോ താമസാനുമതിയോ നൽകാറുണ്ട്. നിക്ഷേപ അധിഷ്ഠിത പാസ്പോർട്ടുകൾ നേടുന്ന ചിലർ യൂറോപ്പിലേക്കോ വടക്കൻ അമേരിക്കയിലേക്കോ കുടിയേറാൻ ഉദ്ദേശിച്ചാണ് അത്തരത്തില്‍ ചെയ്യുന്നതെന്ന് അൽ മർറി ചൂണ്ടിക്കാട്ടി. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek എങ്കിലും ഈ വ്യക്തികൾ യൂറോപ്യൻ യൂണിയൻ, യുഎസ്, കാനഡ എന്നിവ നടപ്പിലാക്കുന്ന നിയമങ്ങൾക്കും നിയന്ത്രണങ്ങൾക്കും പ്രവേശന വ്യവസ്ഥകൾക്കും വിധേയരാകും. വ്യക്തികൾക്ക് യുഎഇയിൽ നിയമപരമായ താമസാനുമതി നിലനിർത്തുന്നിടത്തോളം കാലം നിക്ഷേപം വഴിയോ യുഎഇയിലെ തൊഴിൽ വഴിയോ ഏതൊരു പുതിയ പൗരത്വം നേടിയാലും അവർക്ക് രാജ്യത്ത് തുടർന്നും താമസിക്കാം. പുതുതായി നിക്ഷേപ പാസ്പോർട്ടുകൾ സ്വന്തമാക്കിയവർക്ക് യൂറോപ്പ്, യുഎസ്, കാനഡ എന്നിവിടങ്ങളിലേക്ക് കുടിയേറാൻ ഉദേശിക്കുമ്പോൾ അത് ഉപയോഗിക്കാൻ താത്പര്യമുണ്ടെങ്കിൽ ജിഡിആർഎഫ്എ ദുബായിൽ പ്രത്യേക സൗജന്യ സേവനം വാഗ്ദാനം ചെയ്യുന്നു.