PRAVASIVARTHA

OTP Online Transactions ദുബായ്: വിദേശയാത്രകളില്‍ സ്മാര്‍ട് ആപ്പുകള്‍ കാര്യക്ഷമമായി പ്രവര്‍ത്തിക്കാത്തത് യാത്രക്കാരെ ഏറെ ബുദ്ധിമുട്ടിലാക്കുന്നു. അതിനാല്‍, ഓൺലൈൻ പണമിടപാടുകൾക്ക് ഒടിപി ഒഴിവാക്കുന്നതിനു സാവകാശം വേണമെന്ന് അക്കൗണ്ട് ഉടമകള്‍ ആവശ്യപ്പെട്ടു. സ്മാർട് ആപ്ലിക്കേഷൻ കാര്യക്ഷമമല്ലെന്ന് അക്കൗണ്ട് ഉടമകൾ പറയുന്നു. സ്മാർട് ആപ്പുകൾ അറ്റകുറ്റ പണികളുടെ പേരിൽ പലപ്പോഴും പ്രവർത്തനരഹിതമാകുന്നുണ്ട്. അങ്ങനെയുള്ള സന്ദർഭങ്ങളിൽ പരമ്പരാഗത രീതിയിൽ ഒടിപി ഇടപാടുകളെയാണ് ജനങ്ങൾ ആശ്രയിക്കുന്നത്. സ്മാർട് ഫോൺ ഉപയോഗിക്കാൻ അറിയാത്ത ആളുകളും ബാങ്ക് ഇടപാടുകൾ നടത്തുന്നുണ്ട്. പൂർണമായും സ്മാർട് ആപ്ലിക്കേഷനിലേക്ക് മാറുമ്പോൾ അങ്ങനെയുള്ളവരെയും പരിഗണിക്കണം.
മുതിർന്ന പൗരന്മാർക്കും പലപ്പോഴും മൊബൈൽ ആപ്ലിക്കേഷനുകൾ വഴങ്ങാറില്ല. എപ്പോഴും ഫോണിൽ ഇന്‍റർനെറ്റ് ഉണ്ടാവില്ല. പലരും താമസസ്ഥലത്തെയോ ജോലി സ്ഥലത്തെയോ വൈഫൈയാണ് ഇന്‍റർനെറ്റിനായി ആശ്രയിക്കുന്നത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek എവിടേക്കെങ്കിലും യാത്ര പോകുമ്പോൾ ഇവർ ഇന്‍റര്‍നെറ്റിന്‍റെ പരിധിക്ക് പുറത്താണ്. അങ്ങനെയുള്ളപ്പോൾ സ്മാർട് ആപ്ലിക്കേഷൻ മാത്രമായാൽ കാര്യങ്ങൾ കുഴപ്പത്തിലാകും. ഇത്തരം പ്രായോഗിക ബുദ്ധിമുട്ടുകൾ പരിഗണിച്ച് ഒടിപി സൗകര്യം നിലനിർത്തണമെന്നാണ് പലരും ആവശ്യപ്പെടുന്നത്. എല്ലാ വശങ്ങളും പഠിച്ച ശേഷമാണ് ഒടിപി നിർത്താനുള്ള തീരുമാനത്തിലെത്തിയതെന്ന് ബാങ്കിങ് രംഗത്തെ വിദഗ്ധർ പറഞ്ഞു. ആപ്ലിക്കേഷനിലൂടെയുള്ള ഇടപാടുകൾ കൂടുതൽ സുരക്ഷിതമാണ്. അക്കൗണ്ട് ഉടമയ്ക്ക് അല്ലാതെ ആപ്ലിക്കേഷൻ മറ്റാർക്കും തുറക്കാനാകില്ല. രഹസ്യ നമ്പറുകളിൽ ഭദ്രമായ ആപ്ലിക്കേഷനുകളുടെ സുരക്ഷ മറ്റേത് രീതിയെക്കാളും മികച്ചതാണെന്നാണ് വിദഗ്ധരുടെ അഭിപ്രായം. ബാങ്കുകളുടെ ആപ്ലിക്കേഷനുകളിലെ അപ്ഡേറ്റുകൾ പലപ്പോഴും അർധരാത്രിയിലാണ് നടക്കുന്നത്. ഒടിപി നിർത്തുന്നതു മൂലമുള്ള ഏതു പ്രയാസങ്ങളെയും നേരിടാനുള്ള സൗകര്യം ബാങ്കുകൾ നൽകുമെന്നും ഈ രംഗത്തെ വിദഗ്ധർ പറഞ്ഞു.