PRAVASIVARTHA

Fire in Abu Dhabi അബുദാബി: അബുദാബിയില്‍ മരങ്ങള്‍ക്ക് തീപിടിച്ച് അപകടം. ഇന്നലെ (തിങ്കൾ) വൈകിട്ട് അബുദാബിയിലാണ് തീപിടിത്തം ഉണ്ടായത്. അധികൃതർ തീ നിയന്ത്രണവിധേയമാക്കി. അൽ ഐനിലെ അൽ സാദ് ഏരിയയിലാണ് തീപിടിത്തമുണ്ടായതെന്ന് അബുദാബി പോലീസ് പറഞ്ഞു. എമിറേറ്റിലെ സിവിൽ ഡിഫൻസിനൊപ്പം അധികൃതർ തീ അണച്ചു. തീപിടിത്തത്തിൽ ആർക്കും പരിക്കേറ്റിട്ടില്ലെന്നും തണുപ്പിക്കൽ പ്രവർത്തനങ്ങൾ നടന്നുവരികയാണെന്നും പോലീസ് അറിയിച്ചു. ഔദ്യോഗിക ഉറവിടങ്ങളിൽ നിന്ന് മാത്രം വിവരങ്ങൾ ശേഖരിക്കാൻ പോലീസ് താമസക്കാരോട് അഭ്യർഥിച്ചിട്ടുണ്ട്. കഴിഞ്ഞ മേയിൽ അബുദാബിയിലെ മുസഫ വ്യാവസായിക മേഖലയിലെ ഒരു വെയർഹൗസിൽ തീപിടിത്തമുണ്ടായിരുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek അതേസമയം, ഈ വർഷം ഫെബ്രുവരിയിൽ യാസ് ദ്വീപിലെ ഒരു നിർമാണ സൈറ്റിൽ തീപിടിത്തമുണ്ടായി. യാസ് വാട്ടർവേൾഡിന്റെ നിർമാണത്തിലിരിക്കുന്ന വിപുലീകരണ മേഖലയിലാണ് സംഭവം നടന്നത്. മറ്റൊരു സംഭവത്തിൽ ഈ വർഷം ഫെബ്രുവരിയിൽ അൽ ഷഹാമയിലെ ഒരു റെസിഡൻഷ്യൽ കെട്ടിടത്തിലുണ്ടായ തീപിടിത്തം നിയന്ത്രണവിധേയമാക്കിയിരുന്നു.