PRAVASIVARTHA

Largest Divorce in UAE അബുദാബി: യുഎഇയിലെ ഏറ്റവും വലിയ വിവാഹമോചന കേസില്‍ 100 കോടി ദിര്‍ഹം ആവശ്യപ്പെട്ട് പ്രവാസി യുവതി. അബുദാബി സിവിൽ ഫാമിലി കോടതിയിലാണ് കേസ് രജിസ്റ്റർ ചെയ്തത്. 100 കോടി ദിർഹം നഷ്ടപരിഹാരം ആവശ്യപ്പെട്ട് കരീബിയൻ വനിതയാണ് കേസ് നൽകിയത്. യുവതിയെ പ്രതിനിധീകരിക്കുന്ന എക്സ്പാട്രിയേറ്റ് ലോയിലെ പങ്കാളിയായ ബൈറൺ ജെയിംസാണ് ഇക്കാര്യം അറിയിച്ചത്. കരീബിയൻ വംശജരായ മുസ്‌ലിം ദമ്പതികളുമായി ബന്ധപ്പെട്ടതാണ് ഈ കേസ്. ഇവർ യുഎഇയിലെ അതിസമ്പന്നരായ ഒരു കുടുംബത്തിലെ അംഗങ്ങളാണ്. ഒന്നിച്ച് കെട്ടിപ്പടുത്തത് തുല്യമായി പങ്കുവയ്ക്കണം എന്നതാണ് ഈ കേസിന്റെ കാതൽ. ഈ വർഷം മേയിൽ ഒരു വിദേശ ദമ്പതികൾക്ക് കോടതി 100 ദശലക്ഷം ദിർഹം വരുന്ന റെക്കോർഡ് തുകയുടെ സാമ്പത്തിക ഒത്തുതീർപ്പോടെ ഒരു നോ-ഫോൾട്ട് വിവാഹമോചനം അബുദാബി സിവില്‍ ഫാമിലി കോടതി അനുവദിച്ചിരുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek ഇത് ഗൾഫ് മേഖലയിലെ ഏറ്റവും വലിയ വിവാഹമോചന നഷ്ടപരിഹാരമായിരുന്നു. ഇത്തരം കേസുകൾ നിയമവ്യവസ്ഥയുടെ സങ്കീർണതയും ശക്തിയും എടുത്തുകാട്ടുന്നുവെന്ന് ബൈറൺ കൂട്ടിച്ചേർത്തു. യുഎഇയില്‍ നടപടിക്രമങ്ങൾ ഡിജിറ്റലാണ്, ദ്വിഭാഷയാണ്, കൂടാതെ വിചാരണകൾ വിദൂരമായി നടത്തപ്പെടുന്നു. 30 ദിവസത്തിനുള്ളിൽ വിവാഹമോചനം അനുവദിക്കാൻ കഴിയും, ഇത് ലോകത്തിലെ ഏറ്റവും വേഗമേറിയ നിയമപരമായ വിവാഹമോചന സംവിധാനങ്ങളിൽ ഒന്നാണ്.