Visa Refusal Reasons UAE അബുദാബി: യുഎഇ സന്ദര്‍ശനവിസ നടപടിക്രമങ്ങളില്‍ മാറ്റം വന്നതിന് പിന്നാലെ വിസ നിരസിക്കപ്പെടുന്നത് നിരവധി പേരുടെ. മാര്‍ഗനിര്‍ദേശങ്ങള്‍ പുറപ്പെടുവിച്ചിട്ടും ധാരാളം പേരുടെ അപേക്ഷകളാണ് തള്ളുന്നത്. അധികൃതരുടെ നിര്‍ദേശങ്ങള്‍ക്കനുസൃതമായി രേഖകള്‍ കൃത്യമായി സമര്‍പ്പിച്ചാലെ വിസ ലഭിക്കുകയുള്ളൂ. പുതിയ നിബന്ധനപ്രകാരം, മടക്കയാത്ര ടിക്കറ്റ്, ഹോട്ടല്‍ ബുക്കിങ്, പണം കൈവശമുള്ളതിന്‍റെ രേഖ എന്നിവ അനിവാര്യമാണെന്ന് ട്രാവല്‍ മേഖലയില്‍ പ്രവര്‍ത്തിക്കുന്നവര്‍ വ്യക്തമാക്കി. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A യുഎഇയിലേക്ക് യാത്ര ചെയ്യുന്ന എല്ലാ സന്ദര്‍ശകവിസക്കാരും ഈ നിബന്ധനകള്‍ പാലിച്ചിരിക്കണം. ആവശ്യമായ പണം കൈവശം സംബന്ധിച്ച ബാങ്ക് സ്റ്റേറ്റ്മെന്‍റ്, ഹോട്ടല്‍ ബുക്കിങ് രേഖയോ താമസിക്കുന്ന സ്ഥലം വ്യക്തമാക്കുന്ന രേഖ എന്നിവ വിസ അപേക്ഷിക്കുന്ന സമയത്ത് ഓണ്‍ലൈനായി ഹാജരാക്കണം. ഇതുകൂടാതെ, ടൂറിസ്റ്റ് വിസ തീരുന്നതിന് മുന്‍പുള്ള മടക്കയാത്ര ടിക്കറ്റും ഹാജരാക്കണമെന്ന് യുഎഇ ഇമ്മിഗ്രേഷന്‍ അധികൃതര്‍ വ്യക്തമാക്കി. വ്യാജവിമാന, ഹോട്ടല്‍ ബുക്കിങ് രേഖകള്‍ സമര്‍പ്പിക്കുന്നതാണ് വിസ അപേക്ഷ തള്ളിപ്പോകുന്നതിനുള്ള പ്രധാന കാരണമെന്ന് അറബ് വേള്‍ഡ് ടൂറിസം ഓപ്പറേഷന്‍സ് മാനേജര്‍ ഷെരാസ് ഷറഫ് പറഞ്ഞു. വിസാ നടപടിക്രമങ്ങള്‍ പുരോഗമിക്കുമ്പോള്‍ വേരിഫിക്കേഷനില്‍ വ്യാജരേഖകള്‍ മനസിലാകും. പിന്നാലെ, അപേക്ഷ നിരസിക്കപ്പെടും. അപൂര്‍ണമായ രേഖകളും വിസ നിരസിക്കുന്നതിലേക്ക് നയിക്കും. ഈ രംഗത്ത് പരിചയസമ്പന്നരായ ട്രാവല്‍ ഏജന്‍സിയെ സമീപിക്കേണ്ടതാണ്.