യുഎഇയിൽ പൊതുജനാരോഗ്യത്തിന് ഭീഷണിയാണെന്ന് കണ്ടെത്തിയതിനെ തുടർന്ന് ഒരു സൂപ്പർമാർക്കറ്റ് അടച്ച് പൂട്ടി. അബുദാബിയിലെ മുസഫ ഇൻഡസ്ട്രിയൽ ഏരിയയിലെ ഒരു സ്റ്റോർ അടച്ചുപൂട്ടിയതായി അബുദാബി അഗ്രികൾച്ചർ ആൻഡ് ഫുഡ് സേഫ്റ്റി അതോറിറ്റി (Adafsa) അറിയിച്ചു. മാർച്ച് 5 ബുധനാഴ്ചയായിരുന്നു സംഭവം. അബുദാബി എമിറേറ്റിലെ 2008 ലെ ഭക്ഷ്യ നിയമം നമ്പർ (2) ലംഘിച്ചതിനെ തുടർന്നാണ് വാണിജ്യ ലൈസൻസ് നമ്പർ (N- 2790260) ഉള്ള മുഹമ്മദ് അക്തർ സൂപ്പർമാർക്കറ്റ് അടച്ചുപൂട്ടിയത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe  നിയമം ലംഘിച്ചതിലൂടെ, സൂപ്പർമാർക്കറ്റ് “പൊതുജനാരോഗ്യത്തിന് അപകടകരമാണ്” എന്ന് അതോറിറ്റി കൂട്ടിച്ചേർത്തു. ഫെബ്രുവരി 20 വ്യാഴാഴ്ച, ഇതേ കാരണത്താൽ ഒരു കഫേ അടച്ചുപൂട്ടിയിരുന്നു.