Eid Al Fitr Holidays Sharjah: ഈദ് അൽ ഫിത്തർ: ആറ് ദിവസത്തോളം പെരുന്നാള്‍ അവധി പ്രഖ്യാപിച്ച് ഈ എമിറേറ്റ്
Eid Al Fitr Holidays Sharjah ഷാര്‍ജ: ആറ് ദിവസത്തോളം പെരുന്നാള്‍ അവധി പ്രഖ്യാപിച്ച് ഷാര്‍ജ. എമിറേറ്റിലെ സര്‍ക്കാര്‍ ജീവനക്കാര്‍ക്കാണ് അവധി പ്രഖ്യാപിച്ചത്. ഷാർജ സർക്കാരിന്‍റെ മാനവ വിഭവശേഷി വകുപ്പിന്‍റെ ചൊവ്വാഴ്ചത്തെ അറിയിപ്പ് പ്രകാരം, ഹിജ്റ 1446 ശവ്വാൽ 1 മുതൽ ശവ്വാൽ 3 വരെയാണ് അവധി ആരംഭിക്കുന്നത്. ഷിഫ്റ്റുകളിൽ ജോലി ചെയ്യുന്ന ജീവനക്കാർ ഒഴികെ, പൊതുമേഖലയിലെ ഔദ്യോഗിക പ്രവർത്തനങ്ങൾ ഹിജ്റ 1446 ശവ്വാൽ 4 ന് പുനരാരംഭിക്കും. ചന്ദ്രനെ കാണുന്നതിനെ ആശ്രയിച്ച്, മാർച്ച് 30 ഞായറാഴ്ച ഈദ് അൽ ഫിത്തർ വന്നാൽ, ഷാർജയിലെ സർക്കാർ ജീവനക്കാർക്ക് ഏപ്രിൽ 28 വെള്ളിയാഴ്ച മുതൽ ഏപ്രിൽ 1 ചൊവ്വാഴ്ച വരെ അഞ്ച് ദിവസത്തെ അവധി ലഭിക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe മാർച്ച് 31 തിങ്കളാഴ്ചയാണ് പെരുന്നാള്‍ ആരംഭിക്കുന്നതെങ്കിൽ, ഈ ജീവനക്കാർക്ക് മാർച്ച് 28 വെള്ളിയാഴ്ച മുതൽ ഏപ്രിൽ രണ്ട് ബുധനാഴ്ച വരെ ആറ് ദിവസത്തെ നീണ്ട വാരാന്ത്യം ലഭിക്കും. ഷാര്‍ജയിലെ സര്‍ക്കാര്‍ ജീവനക്കാര്‍ക്ക് നീണ്ട അവധിദിനങ്ങള്‍ ആസ്വദിക്കാം. 2022 ജനുവരിയിലെ മൂന്ന് ദിവസത്തെ വാരാന്ത്യം എമിറേറ്റിലെ സര്‍ക്കാര്‍ വിഭാഗങ്ങള്‍ക്ക് വെള്ളി, ശനി, ഞായറാഴ്ച എന്നീ ദിവസങ്ങളിലാണ് കിട്ടിയത്.
Comments (0)