AI Model Alert Flood: പുതിയ ‘എഐ മോഡൽ’; വെള്ളപ്പൊക്കത്തെ കുറിച്ച് യുഎഇ നിവാസികൾക്ക് മുന്നറിയിപ്പ് നൽകും
AI Model Alert Flood ദുബായ്: എമിറേറ്റിലുടനീളമുള്ള വെള്ളക്കെട്ടിനെ കുറിച്ചുള്ള തത്സമയ വിവരം നല്‍കാന്‍ കഴിയുന്ന ഒരു എഐ മോഡല്‍ ദുബായ് ഉടന്‍ തന്നെ ഉപയോഗിക്കാന്‍ തുടങ്ങും. കനത്ത മഴയ്ക്ക് സാധ്യതയുള്ളപ്പോള്‍ ഈ കൃത്രിമ ഇന്‍റലിജൻസ് സംവിധാനം അധികാരികളെ അറിയിക്കുകയും വെള്ളപ്പൊക്ക സാധ്യതയുള്ള പ്രദേശങ്ങൾ കണ്ടെത്തുകയും ചെയ്യും. ശേഖരിക്കുന്ന വിവരങ്ങൾ സിവിൽ ഡിഫൻസ് ടീമുകൾ താമസക്കാർക്ക് മുന്നറിയിപ്പ് നൽകാനും നഗരത്തിന് ചുറ്റുമുള്ള വെള്ളപ്പൊക്ക പ്രദേശങ്ങൾ ഒഴിവാക്കാനും സഹായിക്കുമെന്ന് ദുബായ് സിവിൽ ഡിഫൻസിലെ ഇൻസ്പെക്ഷൻ ഓഫീസറും പ്രോഗ്രാമറുമായ മുഹമ്മദ് അൽ ഹാഷ്മി പറഞ്ഞു. “ലഭ്യമായ ചില ആഗോള ഡാറ്റ ഉപയോഗിച്ച്, വളരെ കൃത്യമായ ഒരു മാതൃക പ്രവചിക്കാൻ കഴിഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe എന്നിരുന്നാലും, ഉയർന്ന റെസല്യൂഷനുള്ള കൂടുതൽ വിവരങ്ങള്‍ ഉപയോഗിക്കുമ്പോൾ ഇത് കൂടുതൽ കൃത്യമാകാൻ സാധ്യതയുണ്ടെന്ന്” അൽ ഹാഷ്മി പറഞ്ഞു. ഈ സംവിധാനം നടപ്പിലാക്കുന്നതിനായി ദുബായ് സിവിൽ ഡിഫൻസ് നോർവീജിയൻ എഞ്ചിനീയറിങ് കമ്പനിയായ ഹൈഡ്രോഫെൻസുമായി സഹകരിച്ചു. കാലാവസ്ഥാ കേന്ദ്രങ്ങളിൽ നിന്നും ഉപഗ്രഹ ചിത്രങ്ങളിൽ നിന്നും ഇപ്പോഴും ഡാറ്റ ശേഖരിക്കുന്നുണ്ടെന്ന് അദ്ദേഹം പറഞ്ഞു. “അത് തയ്യാറായിക്കഴിഞ്ഞാൽ, ഡാറ്റ ലഭിക്കാൻ എത്ര സമയമെടുക്കുമെന്നതിനെ ആശ്രയിച്ച്, ഒന്നോ രണ്ടോ മാസത്തിനുള്ളിൽ ഇത് എളുപ്പത്തിൽ സംയോജിപ്പിക്കാൻ കഴിയുമെന്ന്” അൽ ഹാഷ്മി പറഞ്ഞു.
Comments (0)