indian rupee depreciation ദുബായ്: ദിർഹത്തിനെതിരെ ഇന്ത്യൻ രൂപയുടെ മൂല്യം കൂപ്പുകുത്തി. 23.86ൽ നിന്ന് 23.80ലേക്ക് താഴ്ന്നു. യുഎസ് പ്രസിഡന്‍റ് ട്രംപ് ഇന്ത്യൻ ഉത്പന്നങ്ങൾക്ക് 25% താരിഫ് ഏർപ്പെടുത്തുമെന്ന ഭീഷണിക്ക് പിന്നാലെയാണ് കറൻസി മാർക്കറ്റുകൾ തുറന്നത്. ഇത് യുഎഇയിൽ നിന്ന് ഇന്ത്യയിലേക്ക് പണം അയക്കുന്നവരുടെ എണ്ണം റെക്കോർഡ് തലത്തിൽ വർധിപ്പിക്കാൻ കാരണമായതായി മണി എക്സ്ചേഞ്ചുകൾ അറിയിച്ചു. ഇന്ത്യൻ കറൻസി മാർക്കറ്റ് തുറന്നപ്പോൾ തന്നെ ബാങ്കിങ് ആപ്പുകളും റെമിറ്റൻസ് പ്ലാറ്റ്‌ഫോമുകളും സാധാരണയേക്കാൾ കൂടുതൽ ഇടപാടുകൾക്കാണ് സാക്ഷ്യം വഹിച്ചത്. കറൻസി എക്സ്ചേഞ്ച് ഹൗസുകൾ അവരുടെ പുതിയ നിരക്കുകൾ പ്രഖ്യാപിക്കുമ്പോൾ ഇത് വീണ്ടും വർധിക്കാൻ സാധ്യതയുണ്ട്. സൗദി, ഖത്തർ എന്നിവിടങ്ങളിലെ പ്രവാസി ഇന്ത്യക്കാർക്ക് നിലവിൽ സൗദി റിയാൽ 23.37, ഖത്തർ റിയാൽ 24.07 എന്നീ നിരക്കുകളിലാണ് രൂപയുമായി കൈമാറ്റം ചെയ്യുന്നത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek ഫെബ്രുവരി 10-ലെ ഏറ്റവും താഴ്ന്ന നിരക്കായ 23.94-നോട് അടുത്താണ് രൂപയുടെ മൂല്യം. ഈ നിരക്കിലേക്ക് എത്താനോ അല്ലെങ്കിൽ അതിൽ താഴെ പോകാനോ സാധ്യതയുണ്ടെന്ന് വിദഗ്ധർ അഭിപ്രായപ്പെടുന്നു. ഇന്നത്തെ ആദ്യ ട്രെൻഡുകൾ അനുസരിച്ച്,രൂപയുടെ മൂല്യം ഇന്ന് 23.94ലേക്ക് താഴാൻ സാധ്യതയുണ്ടെന്നും ചൂണ്ടിക്കാട്ടുന്നു.
ഫെബ്രുവരിയിൽ രൂപയുടെ മൂല്യം ഒരു ദിർഹമിന് 23.94 ആയിരുന്നു, പക്ഷേ അത് ഏതാനും ദിവസത്തേക്ക് മാത്രമായിരുന്നു. ഇന്നത്തെ ദിർഹം-രൂപ വിനിമയം റെക്കോർഡ് തലത്തിൽ ഉയരും. എൻആർഐകളുടെ അക്കൗണ്ടിൽ ശമ്പളം വന്ന ഉടൻ തന്നെ ഈ സാഹചര്യം ഉണ്ടായത് അവർക്ക് ഗുണകരമാണ്.