PRAVASIVARTHA

അബുദാബി ഓഹരി വിപണിയിൽ നിന്നുള്ള ഉദ്യോ​ഗസ്ഥർ എന്ന വ്യാജേന ചിലർ തട്ടിപ്പ് നടത്തുന്നുണ്ടെന്ന് മുന്നറിയിപ്പ് നൽകി അധികൃതർ. ഇത്തരം വ്യാജന്മാരുടെ ചതിയിൽ പെടരുതെന്നും ജാ​ഗ്രത പാലിക്കണമെന്നും അബുദാബി സെ​ക്യൂ​രി​റ്റി എ​ക്സ്ചേ​ഞ്ച് വ്യക്തമാക്കി. അധികൃതർ ഒരിക്കലും നിക്ഷേപം തേടി പൊതുജനങ്ങളെ നേരിട്ട് സമീപിക്കില്ലെന്നും സോഷ്യൽ മീഡിയ പോസ്റ്റിൽ പറയുന്നു. സെ​ക്യൂ​രി​റ്റി മാ​ർ​ക്ക​റ്റി​ന്‍റെ ലോ​ഗോ​യും മ​റ്റ് രേ​ഖ​ക​ളും വ്യാ​ജ​മാ​യി ഉ​പ​യോ​ഗി​ച്ചാ​ണ് വ്യാജ സംഘം തട്ടിപ്പ് നടത്തുന്നത്. അബുദാബി ഓഹരി വിപണിയിൽ നിന്നുള്ള ഉദ്യോ​ഗസ്ഥർ ആണെന്ന് അവകാശപ്പെട്ടുകൊണ്ട് പലർക്കും ഇ-​മെ​യി​ൽ സ​ന്ദേ​ശ​ങ്ങ​ൾ ല​ഭി​ക്കു​ന്നുണ്ട്. നി​ക്ഷേ​പ​ക​രു​ടെ പാ​സ്​​വേ​ഡ്​ ഉ​ൾ​പ്പെ​ടെ​യു​ള്ള വി​വ​ര​ങ്ങ​ൾ ചോ​ർ​ത്താ​നും, ലാ​ഭം വാ​ഗ്ദാ​നം ചെ​യ്ത് നി​ക്ഷേ​പം സ്വീ​ക​രി​ച്ച് പ​ണം ത​ട്ടാ​നു​മാ​ണ് വ്യാജ സംഘം ലക്ഷ്യമിടുന്നത്. അതിനാൽ ജാ​ഗ്രത പുലർത്തണമെന്ന് അധികൃതർ ചൂണ്ടിക്കാണിച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/Lcg8GbX4UOK66lKqe8tbVF