സെപ്തംബർ മാസത്തിൻ്റെ അവസാന ദിവസങ്ങലിലേക്ക് പോകുമ്പോൾ യുഎഇയിലുടനീളമുള്ളവർക്ക് വേനൽക്കാലത്തിൻ്റെ അവസാനത്തിനായി കാത്തിരിക്കാം. രാത്രികാല താപനില ക്രമേണ കുറയും, മാസത്തിൻ്റെ അവസാനംചൂട് നല്ല തീതിയിൽ കുറയുമെന്ന് പ്രതീക്ഷിക്കാം. കൂടാതെ, മഴയും പ്രതീക്ഷിക്കുന്നു. സെപ്റ്റംബർ 23 ശരത്കാലത്തിന്റെ ആരംഭം അടയാളപ്പെടുത്തും. യുഎഇയിൽ രാത്രിയും പകലും ഇതോടെ ഒരുപോലെ ദൈർഘ്യമുള്ളതായിരിക്കുമെന്ന് എമിറേറ്റ്സ് അസ്ട്രോണമിക്കൽ സൊസൈറ്റിയുടെ ബോർഡ് ചെയർമാനും അറബ് യൂണിയൻ ഫോർ അസ്ട്രോണമി ആൻഡ് സ്പേസ് സയൻസസ് അംഗവുമായ ഇബ്രാഹിം അൽ ജർവാൻ പറഞ്ഞു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KvbUGfuXecq55K3RpWtTRU
മഴ പ്രതീക്ഷിക്കാം
നാഷണൽ സെൻ്റർ ഓഫ് മെറ്റീരിയോളജിയുടെ പ്രവചനമനുസരിച്ച്, സെപ്റ്റംബർ മാസത്തിൽ, രാജ്യത്തിൻ്റെ ചില ഭാഗങ്ങളിൽ നിവാസികൾക്ക് മഴയും ഇടിമിന്നലും പ്രതീക്ഷിക്കാം. കിഴക്കൻ പ്രദേശങ്ങളിൽ പ്രതീക്ഷിക്കുന്ന ക്യുമുലോനിംബസ് മേഘങ്ങളുടെ രൂപീകരണത്തിൻ്റെ ഫലമാണിത്. ഇത് ഉൾ പ്രദേശങ്ങളിലേക്കും വ്യാപിച്ചേക്കാം, വ്യത്യസ്ത തീവ്രതയിൽ മഴ പെയ്യാൻ സാധ്യതയുണ്ട്. ഇന്ത്യൻ മൺസൂൺ ഡിപ്രഷൻ ക്രമേണ ദുർബലമാകുന്നതിൻ്റെയും അറേബ്യൻ ഉപദ്വീപിലെ മരുഭൂമിയിലെ താപ താഴ്ന്നതിൻ്റെയും ഫലമാണിത്. ‘യമനിലെ നക്ഷത്രം’ എന്നറിയപ്പെടുന്ന സുഹൈൽ നക്ഷത്രം ഓഗസ്റ്റ് 24-ന് കണ്ടെത്തിയതോടെയാണ് വേനൽക്കാലത്തിന്റെ കൊടുംചൂടിന്റെ അവസാനത്തെ അടയാളപ്പെടുത്തിയത്. നക്ഷത്രം കണ്ടുകഴിഞ്ഞാൽ ഏറ്റവും കൂടിയ ചൂടിനും തണുപ്പിനും ഇടയിൽ 40 ദിവസത്തെ കാലയളവിൽ കാലാവസ്ഥ മാറും. ഈ കാലഘട്ടം ‘സുഫ്രിയ’ എന്നും അറിയപ്പെടുന്നു. ഈ മാസം പകുതിയോടെ കാലാവസ്ഥ ക്രമേണ സ്ഥിരത കൈവരിക്കുമെന്ന് പ്രതീക്ഷിക്കുന്നു. സുഹൈൽ നക്ഷത്രത്തിന്റെ ഉദയം കഴിഞ്ഞ് 100 ദിവസങ്ങൾക്ക് ശേഷം ശൈത്യകാലം ആരംഭിക്കും.
