നിര്‍ത്തിവെച്ച വിമാന സര്‍വീസ് ഇന്ന് മുതല്‍ പുനരാരംഭിക്കും
ദുബായ്: നിര്‍ത്തിവെച്ച ദുബായ്- ബസ്‌റ വിമാന സര്‍വീസ് ഇന്നുമുതല്‍ (വ്യാഴാഴ്ച, 17 ഒക്ടോബര്‍) പുനരാരംഭിക്കുമെന്ന് എമിറേറ്റ്‌സ് എയര്‍ലൈന്‍. മധ്യപൂര്‍വദേശത്തെ സംഘര്‍ഷങ്ങളെ തുടര്‍ന്ന് ഈ സര്‍വീസ് താത്കാലികമായി നിര്‍ത്തിവെച്ചിരുന്നു. റദ്ദാക്കിയ വിമാനങ്ങളിലെ യാത്രക്കാര്‍ പുതിയ തീയതിക്കായി എയര്‍ലൈനില്‍ നേരിട്ടോ ട്രാവല്‍ ഏജന്‍സി മുഖേനയോ ബന്ധപ്പെടേണ്ടതാണെന്ന് അധികൃതര്‍ അറിയിച്ചു. യാത്ര പുറപ്പെടുന്നതിന് മുന്‍പ് എയര്‍ലൈനുകളുടെ വെബ്‌സൈറ്റ് പരിശോധിക്കുകയും സര്‍വീസുകളുടെ സമയം ഉറപ്പാക്കണമെന്നും അധികൃതര്‍ ആവശ്യപ്പെട്ടു.
നിര്‍ത്തിവെച്ച മറ്റു സര്‍വീസുകള്‍
- ബഗ്ദാദിലേക്കും ടെഹ്‌റാനിലേക്കുമുള്ള സര്‍വീസ് ഈ മാസം 23 വരെ ഉണ്ടാകില്ല, ട്രാന്‍സിറ്റ് യാത്രക്കാരെ സ്വീകരിക്കില്ല.
- ബെയ്‌റൂട്ടിലേക്കുള്ള സര്‍വീസും 31 വരെ നിര്‍ത്തിവച്ചു. ഇനിയൊരു അറിയിപ്പുണ്ടാകുന്നതുവരെ ഇവിടേക്ക് ട്രാന്‍സിറ്റ് യാത്ര പ്രോത്സാഹിപ്പിക്കില്ല. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5
Comments (0)